صحيفة نبض الشعب الاسبوعيه رئيس التحرير جعفر الخابوري

عاوز تعرف الدنيا هتبقي عاملة ازاي من بعدك ؟ ..بسيطة خالص : شوفها من بعد غيرك ؟

هتلاقي البقال بيفتح ، والناس بتخرج لشغلها الصبح بدري ، واللي بيحب النوم هيكمل نوم ببساطة ، والفرن هيفضل شغال والناس ملمومه عليه ، وريحة الأكل في البيوت زي ماهي عادي ، والعزايم والولايم مابتقفش ، والمصايف هتفضل محجوزة ، وبوستات الفيس والترندات ، وخناقات علي الممثلين والشيوخ وفضايح التيك توك ، وماتش كورة كفيل يمحيك من ذكريات ناس كنت فاكرها أقرب الأقربين ، وحتي صورتك هتتنشر يوم والتاني وخلاص شكرا ؟

تفتكر بقي الدنيا مستاهلة تحط حد أو حاجة في دماغك وتزعل عليها ؟
..
صديق دق دقة نقص معاك ، حبيب خالف وعده وسابك ، كمل وماتقفش ؟ ، مادام بترضي ربنا يبقي عيش بطريقتك ودماغك ، كل واشرب اللي يعجبك ، واللبس اللي تحس إنك مرتاح فيه هاته حتي ولو نفس اللون والشكل ، وكفاية تراقب نظرات الناس ليك شكلها عامل ازاي ، عشان كده هتموت من الهم والغم ، والناس اللي انت عشت عشان ترضيهم سنين هتنساك بعد موتك بيوم أو إتنين ؟ ، لو علمت السرعة التي سينساك الناس بها بعد وفاتك ، لن تبالي بأحد.......